WorldTimeServer Clock

Cairo

الاثنين، 26 ديسمبر 2011


الاثنين، 19 ديسمبر 2011

يا مصر .....



الفرسان مثل العود من ورده ارتوى , والانذال لاتسقي ولاينسقا بها , وصاين العرض بالأصل هوى , وكاشف العورة فى الارض انزوى , فا إذا اتاك الندل يبرر افعالة , اغلق بابك ولا تتكلما ....عجبى
هذه ليست اخلاق عسكر ولكنها اخلاق رمم..
الصورة ابكتنى .... فما رأى العسكر اللى من اهم واجباتهم حماية العرض ؟؟؟؟؟
معلم فحمه 
,,,,,
__________________
بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!
معلم فحمه.-.-.-.-.-.-.-.-.-.-.-.-.
hassan omran متواجد حالياً تقرير بمشاركة سيئة  تعديل / حذف المشاركة رد مع اقتباس 

الاثنين، 21 نوفمبر 2011

عودة يناير .. بالصور


عودة يناير .. بالصور
الداخلية اغبياء اخطأت للمرة الثانية .. لم يتعلموا ماهو الشعب المصرى
معلم فحمه .....































__________________
بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!
معلم فحمه.-.-.-.-.-.-.-.-.-.-.-.-.

الخميس، 27 أكتوبر 2011

لا ترحلى ....


لا ترحلى صبرا قليلا تمهلى ... الشمس إن غابت ... غرق البشر فى بحر الأظلمى ... ومات القمر بين الأنجومى ... فلا ترحلى ... فا إذا ذهبت الروح فلن تبقى ف العيون أدموعى ... فتمهلى .. عجبى
معلم فحمه .... 
__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!
معلم فحمه.-.-.-.-.-.-.-.-.-.-.-.-.
hassan omran متواجد حالياً تقرير بمشاركة سيئة  تعديل / حذف المشاركة 

الجمعة، 21 أكتوبر 2011

راجع لك يا مصر .



راجع لك يا مصر .. طاير و شايل .. ف قلبى كلام .. راجعلك طاير بجناحات صقر و رقة قلب حمام .. هاجى علشان احكى لك حكايات من الغربة.. ألف ليلة و ليلة و ما تشوف عنينا منام .. احكى شوق الهوى و تباريح .. أشواقه .. و الصبر .. اللى اتحمله و مر الحب .. اللى كان داقه .. و كلامه اللى انكتب عالشجر و أوراقه .. و لا اللى شفته فى غربتى و اللى جرى وحصل .. و كلام يجر كلام .. اصل العشق دا حكاية .. وكلام يجيب فى كلام .. زى شهد العسل يسيل على الشفه .. يا اللى تحب الزمن هو الزمن يتحب .. تشوف قلوب العزاره .. قوام ليها تنشد .. ما هى مصر كل يوم شابه والقلب ليها ينشد .. عجبى
معلم فحمه ......
 
__________________
بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!
معلم فحمه.-.-.-.-.-.-.-.-.-.-.-.-.
hassan omran متواجد حالياً تقرير بمشاركة سيئة  تعديل / حذف المشاركة 

يا مصرى ....



يا مصرى
اوعى تقول انا .. باحلم
وبلدنا عايزة عريس
قصدك تقول كوابيس
و قاضى مع قضبان
كل دى هلاويس
قصة تشوفها
من جملة القصاقيص
يلعب بها الشيطان
و تبقى م التلبيس
تحكى غرام الجدع
و تعيش عالمدى و تقيس
حب الواد للبنية
و لا حب إيزيس اوزوريس


بتقول يامصرى سجين
لا .. دا السجين هيه
عصفور يغنى ف قفص
و يحب الملاغية
تشرب شهد م فمها
لا زاد و لا مية
تروى أسير
حبها .. من الحنفية
و هى .. طول عمرها
من وضعها
مطمعه الحرامية


الشبة فى حسنها
هى الجمال هيه
مرسومة متزوقة
بإيدبن الفواعلية
مكتوب كتاب جمالها
بمجاديف المراكبية
عيونها ..خضره خضار
الغيط رويه مية
و الصدر برج حمام
و هز الحمام .. غيه
عاشقة ومتعشقة ..
عليها القصد والنية
وهى اللى كان اسمها
بين الملوك .. بهية


الشاب سجين..
حبها و دا ذنب الجدع
و الحب .. و الصبايا
عالشط تملا الزلع
و تقول ..يا شمسنا
يا موريانا البدع
يا خطاطين الرمل
يا ضاربين الودع
حلو .. أسر الشب
م الحب .. قلبه
انخلع


و تطلع قصص
بتقول اسمه يس
و حكاوى بتقول
شرقاوى من بهتيم
و ناس بتقول صعيدى
و أمه من شلاتين
و ابوه .. سويسى
و جده من عابدين
و الكل نسيوا اسمها
و هى تبقى مين
هى اللى سارقة
القلوب
طول عمرها هى
وكل كلامى اللى انكتب
عليها القصد والنية
-----------
معلم فحمه .....
__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!
معلم فحمه.-.-.-.-.-.-.-.-.-.-.-.-.
hassan omran متواجد حالياً تقرير بمشاركة سيئة  تعديل / حذف المشاركة

الجمعة، 14 أكتوبر 2011

مصر غالية عليى …


 مصر غالية عليى … 


لف أيدك حوالين رقبتى
واضغط لحد ما يغمى عليى
وعلى حيطان زنازيك لفوق
وجيب كلابك يحرسونى
زمانك راح وبكره جيى
وغمى عينى للآجل ما تشوفش
الحقيقه
يا ما داريت عليى
وحط أساورك سلسال فى إ يدي
وأربط سلاسيلك فى رجلي
وتبت عليها جامد يا خى
واقلق منامى بصوتك الشجى
وأضرب بسوطك فى جسمى
وخلى الدم ينزف شويى
برده مش ساكت عليك
حطل براسى
وانده على الناس يبصوا عليى
وبأعلى صوتى حا أنده عليهم
أسمعوا غنوة الحر الأبى
هو اللى زى بيعرف يغنى
غير كلمتين اسمعهم يا خى

بحبك يا مصر
والله حى

يا ريت الحسيس يفهم شوى
إن الوطن غالى
لا فينا مسلم ولا مسيحيى
الكل مصر
و عمر الدم ما يبقى ماى
مين حاكمك تحكم علينا
شيخ با كونت ولا حتى ابونا
عمر الخسيس ما يبقى
قاضى
ولا نوره يوم ينور فى حى
مهما حلف وقال كلام
مش حايصدقة م الالف حى
شوفوه دا عبره لا هو ميت
ولا هو حى
ساعة رحيله خلاص قريبه
ويوم وداعه الذكر جى
نقول دا مات ايوه مات
هو يموت والمولى حى
بعلو صوتى أنده عليكى
يا مصر قومى
هو رايح وأنتى جى
وبكرة ييجى طلق الولادة
تجيبى لينا فى الالف حى
يعيد شبابك
ونقول دا راح و بكره جى
بحبك يا مصر
-------------
معلم فحمه ...



بحبك وبعشق المجاريح … و دايب فى الغرام عشرة … مجذوب … و غاوى عشرة التباريح …. و أجمل ما فيكى الجيرة والعشرة … !!!   .معلم فحمه                                      
   Sample picture 





الجمعة، 16 سبتمبر 2011

رحلة حب ...


رحلة حب ..

ازاى عايزانى أبتسم .. و الهم مالى السفينة .. على القلب اللى غرق .. كل المشاعر حزينة .. وكل الليالى قلق .. مال الشراع بينا .. و الحبر تاه ع الورق .. مهما رسمنا على الموج قلوب .. الكل راح فى الفلق.. ما الريح هز السفينة .. و مركب هوانا غرق .. يا واصل على البر آبلينا .. دلل قلوبنا ع الطريق .. كيف النجاة م الغرق .. عجبى

معلم فحمه ....
__________________

بحبك وبعشق المجاريح ... و دايب فى الغرام عشرة ... مجذوب ... و غاوى عشرة التباريح .... و أجمل ما فيكى الجيرة والعشرة !!!
معلم فحمه.-.-.-.-.-.-.-.-.-.-.-.-.


hassan omran متواجد حالياً تقرير بمشاركة سيئة  تعديل / حذف المشاركة